Алматыда сәбиін әжетханаға тастап кеткен жасөспірім бас бостандығынан айырылды
Алматыда шақалақты әжетханаға тастап кеткен көкек анаға қатысты сот үкімі шықты.
Алматы, NEGE. Алматы қалалық сотының баспасөз қызметі кәмелетке толмағандардың істері жөніндегі мамандандырылған ауданаралық сотында жаңа туған сәбиін өлтіруге оқталу дерегі бойынша кәмелетке толмаған сотталушының ісін жабық тәртіпте қарағанын мәлімдеді. (24-бап, 3-бөлім "қылмыс және қастандық" және 100-бап "туылмаған баланы анасының өлтіруі").
Сот үкімімен әйел кінәлі деп танылып, 8 айға бас бостандығынан айырылған.
Үкім заңды күшіне енді.
