Алматыда Роза Бағлановаға ескерткіш қойылады

Алматы, NEGE. Алматы қаласы Мәдениет басқармасының хабарлауынша, Роза Тәжібайқызы Бағланованың құрметіне арналған ескерткіш Қабанбай батыр көшесінің оңтүстік бөлігінде, Байсейітова көшесінің шығыс жағында орнатылады.

«12 наурызға дейін Роза Тәжібайқызы Бағлановаға арналған ең жақсы ескерткіштің жобасын жасауға ашық конкурс жарияланды. Қазіргі уақытта монументалды өнердің құру процесі жүріп жатқан соң бюджет 2021 жылдың екінші жартысында қаралатын болады. Әзірге ескерткіш салуға қанша қаражат жұмсалатыны белгісіз», - деді басқармадан.

Роза Бағланова – кеңестік, қазақстандық опера және эстрада әншісі, КСРО халық әртісі, Қазақстанның халық қаһарманы.