Алматыда өзін Антикор қызметкері ретінде таныстырған алаяқ ұсталды
Алматыда өзін Сыбайлас жемқорлыққа қарсы қызмет өкілі ретінде таныстырған алаяқ ұсталды.
Алматы, NEGE. Алматыда өзін Сыбайлас жемқорлыққа қарсы қызмет өкілі ретінде таныстырған алаяқ ұсталды, - деп хабарлайды Tengrinews.kz тілшісі ведомство баспасөз қызметіне сілтеме жасап.
2020 жылғы желтоқсанда өзін Антикор қызметкері ретінде таныстырып, сенімге кіру және алдау арқылы ақша ұрлаған алаяқ анықталған.
"Ол О.М.Базарбайдан Алматы қаласы қылмыстық істер жөніндегі мамандандырылған ауданаралық сот қарауындағы М.Сүлейменге қатысты қылмыстық іс бойынша қылмыстық жазаны жеңілдету үшін Алматы прокуратурасы мен сотының лауазымды тұлғаларына беремін деген сылтаумен бес миллион теңгені алып кеткен. 2021 жылдың ақпанында М.Сүлеймен 10 жылға бас бостандығынан айырылды", - делінген хабарламада.
Күдікті ұсталып, Алматы полициясының уақытша ұстау изоляторына қамалды. Оның кінәсі туралы соңғы шешімді сот шығарады.
