Алматыда мүмкіндігі шектеулі жандарды жұмыспен қамтуға арнайы квота бөлінеді
Наурызбай ауданының тұрғындарымен кездесу кезінде қала әкімі Ерболат Досаев мүмкіндігі шектеулі жандарды мамандығы бойынша жұмысқа орналасуына мүмкіндік беретін арнайы квота бөлетінін жеткізді.
Алматы, NEGE. Наурызбай ауданы тұрғыныны, бірінші топ мүгедек, зағип жан Қуаныш Жауымбетовтың сұрағы: «Бізде жылына 15-16 студент медколледжді бітіреді. Өздеріңіз арнайы оқытып жатырсыздар. Құдайға шүкір, дипломымызды, сертификатымызды алдық. Мамандығымыз массажист, көзіміз көрмейді. Бірақ емханаға, ауруханаға орналасайық десек, көздерің көрмейді деп еш жерде бізді жұмысқа алмайды».
Қала әкімі Ерболат Досаевтың берген жауабы: «Осы жылы бітірген, басқа балалардың мамандардың құжаттары ішінде жинастырып, олардың бағалары, сертификаттары дұрыс болса, бір ай ішінде денсаулық сақтау мекемелеріндегі бос орындарға орналастыру қарастырылсын».