Алматыда Медеу және Алатау аудандарында ыстық су болмайды
Алматыда Медеу, Алатау аудандарындағы ғимараттардың бір бөлігі уақытша ыстық судан ажыратылады.
Алматы, NEGE. «2023 жылғы 4 тамызда сағат 09.00- ден 20.00- ге дейін Медеу ауданының аумағында Сәтбаев – Достық-Тайманов-Назарбаев көшелерінің контурында, сондай-ақ Самал-1, Самал-2 және Самал-3 ықшам аудандарында орналасқан тұрғын үйлер мен өзге де ғимараттарға ыстық су болмайды.
Жылу желілерін қайта құрылымдау кезеңінде тұтынушыларды ыстық сумен қамтамасыз ету жөніндегі жұмыстардың қауіпсіздігін қамтамасыз ету үшін шектеулер енгізіледі», – делінген хабарламада.
Сонымен қатар 2023 жылғы 7-21 тамыз аралығында Алматы қаласы Алатау ауданының аумағында орналасқан бірқатар тұрғын және өзге де ғимараттарды ыстық сумен жабдықтау «Алматыжылукоммунэнерго» ЖШС қазандықтарында жоспарлы жөндеу жұмыстарын жүргізу кезінде қауіпсіздікті қамтамасыз ету үшін шектеледі.