Алматыда Медеу – Шымбұлақ жолында 4 «Сергек» камерасы орнатылды
Алматыда Медеу-Шымбұлақ автожолында жылдамдығы 40 км/сағатқа шектелген «Сергек» аппараттық-бағдарламалық кешенінің 4 камерасы орнатылды.
Алматы, NEGE. Олар «Медеу» биік таулы мұз айдынының шлагбаумынан «Шымбұлақ» тау шаңғысы курортына дейінгі ұзындығы 7 км учаскеде орналасқан.
Бұл жаяу жүргіншілер легінің және көрсетілген бағыт бойынша жүретін электромобильдер санының артуына байланысты адамдардың қауіпсіздігін қамтамасыз етуге көмектеседі. Жол қозғалысы ережелерін тіркеу 2023 жылдың 1 желтоқсанынан басталады.