Алматыда көшелер жабылады
Алматыда жол жөндеу жұмыстарына байланысты бірнеше көше жабылады, деп хабарлайды Медеу ауданы әкімінің баспасөз қызметі.
Алматы, NEGE. Аудандық әкімдіктің мәліметінше, 25 қыркүйекте сағат 17:00-ден 26 қыркүйек сағат 23:00-ге дейін Райымбек даңғылында Назарбаев даңғылынан Жангелдин көшесіне дейін, Пушкин көшесінен Мақатаевтан Райымбек даңғылына дейін, Уәлиханов көшесі бойымен Райымбек даңғылына дейін, Қонаев көшесінен Мақатаев көшесіне дейін қозғалыс шектеледі.
"203, 204, 207, 208, 220, 221, 222, 225, 228, 410 автобустар қозғалысы да өзгереді: Райымбек даңғылындағы Назарбаев даңғылы мен Пушкин көшесінің арасындағы барлық қоғамдық көлік шығыс бағытта жолайырықтың тоннель бөлігі арқылы өтетін болады.
Талғар, Есік аудандары мен Өтеген Батыр кентінің маңындағы жолаушылар үшін Райымбек-Назарбаев даңғылы, Райымбек-Жангелдин, Пушкин-Мақатаев, Гоголь-Назарбаев даңғылында соңғы пункттер болады", - делінген хабарламада.