Алматыда коронавирустың үнді штаммын жұқтырғандар көбейді
Алматының бас санитар дәрігері қалада коронавирустың үнді штаммын жұқтырған науқастардың саны 46-ға жеткенін мәлімдеді.
Алматы, NEGE. "Біз 18 маусымнан бастап коронавирустың үнді "дельта" штаммын тексеруді бастадық. Науқастардан алынған 131 сынама зерттелді, оның 77-і ұлыбританиялық (59%), 46-сы үнді штаммы (35%) екені анықталды. Тағы екеуі оңтүстік-африкалық, біреу Нью-Йорк штаммы болып шықты", - деді қаланың бас санитар дәрігері.
Бұған қоса, ол коронавирус штаммдарын тексеру күнделікті жүргізіліп жатқанын алға тартты. Айтуынша, соңғы жасалған 46 сынамадан 45 үнді штаммы анықталған.