Алматыда 68 жастағы ер адам коронавирустан көз жұмды
Бұл науқас ұзақ уақыттан бері бауыр созылмалы дертпен (вирустық гепатит, қант диабеті, артериялық гипертензия, жалғыз бүйректің созылмалы пиелонефриті, созылмалы бүйрек жеткіліксіздігі, жүректің ишемиялық ауруы) ауырған, 1 топтағы мүгедек.
Алматы, NEGE. Науқас жедел шұғыл медициналық көмек ауруханасына ауыр хәлде түскен. Провизорлық госпитальда тексеріліп, мұрын жұтқыншағынан ПТР алынып, нәтижесінде вирус анықталды. Сосын инфекциялық стационарға ауыстырылды. Науқас осында көз жұмды.
Қазіргі уақытта Алматыда коронавирустық инфекцияны жұқтырудың расталған 1392 жағдайы тіркелді. Covid-19 жұқпалы стационарларында 1156 науқас ем алуда. Ал 17 адам коронавирустық инфекциядан сауығып шықты. Олардың ішінде Орталық қалалық клиникалық аурухананың 8 медицина қызметкері, Балалар қалалық жұқпалы аурулар ауруханасының 2 қызметкері және 7-уі вирус жұқтырған науқаспен байланыста болған адамдар бар.
