Алматыда коронавирус жұқтырған 63 бала ауруханада жатыр
Алматыда коронавирус жұқтырған 1 752 науқас ем қабылдап жатыр. Бұл туралы қалалық Қоғамдық денсаулық сақтау басқармасынан мәлім етті.
Алматы, NEGE. 30 мамыр күнгі ақпарат бойынша, бір тәулікте қалада 230 адам коронавирус жұқтырған. Мұның ішінде симптомды, жеңіл және орташа деңгейдегі белгілермен – 178, симптомсыз – 52 науқас тіркелді. Барлық емделіп шығарылғандар – 57, келіп түскені – 56. Инфекциялық стационарларда 1 752 адам бар (төсек-орынның жалпы саны – 5 940), оның ішінде 63 бала емделуде», – деп нақтылады Қоғамдық денсаулық сақтау басқармасының баспасөз қызметінен.
Сондай-ақ, реанимация және қарқынды терапия бөлімінде 130 адам жатыр. Ал 26 науқас жасанды тыныс алу аппаратына қосылған. Инвазивті емес жасанды тыныс алу аппаратында 55 адам ем қабылдауды жалғастыруда. High flow-да 25 аппарат жұмыс істейді. Медициналық-санитариялық алғашқы көмек мобильді бригадаларының және Телемедицина орталығының амбулаториялық бақылауында 1 899 пациент бар. Оның ішінде індет белгілері бар, орташа ауыр жағдайда 1 621 науқас. 278 адамда коронавирус белгілері жоқ.
