26 Қыркүйек 13:12
Алматыда Көкжайлау шатқалы өртеніп жатыр
26 қыркүйекте Алматыдағы Көкжайлау шатқалында өрт шықты, деп хабарлайды Алматы қаласы Төтенше жағдайлар департаменті.
Алматы, NEGE. Төтеншеліктердің хабарлауынша, 1720 метр биіктікте қураған ағаш жанып жатыр.
- Өртті сөндіруге Алматы қаласы төтенше жағдайлар департаментінің, Іле-Алатау МҰТП, "Қазавиаорманқорғау" АҚ күштері мен құралдары жұмылдырылды, – делінген хабарламада.
Оқиға орнына көлікпен бару мүмкіндігі болмағандықтан, құтқарушылар жаяу көтерілуде. Төтенше жағдайлар министрінің өкімімен жедел ден қою үшін «Қазавиақұтқару» АҚ су ағызу құрылғысы бар тікұшағы да жұмылдырылды.
