Алматыда қоғамдық көлікте жол жүру ақысы 200 теңге болды
Алматыда қоғамдық көлікте жол жүруге арналған жаңа тариф бекітілді.
Алматы, NEGE. Бұл шешім 9 тамызда Алматы қаласы мәслихатында бірауыздан қабылданды.
Алматыда жол жүру ақысы Оңай картасымен төлегенде 100 теңгеге дейін, қолма-қол төлегенде 200 теңгеге дейін көтерілді.
«Қолма-қол ақшасыз төлеммен 100 теңге және қолма-қол төлеммен 200 теңге мөлшерінде жаңа тарифтерді қолдану биылғы жылы субсидиялар сомасын шамамен 10 млрд теңгеге төмендетуге мүмкіндік береді. Оларды басқа да әлеуметтік маңызы бар жобаларға қайта бөлуге болады», - деді Алматы қаласы әкімінің орынбасары Асқар Әмрин мәслихаттың VII сессиясында.
