Алматыда қазақстандық өндірушілерінің Ulttyq Ónim көрмесі басталды

Алматы, NEGE. Онда 300-ден астам қазақстандық, оның ішінде 30 алматылық компания өз өнімін ұсынады. Ашылу салтанатында қала басшысы Ерболат Досаев атап өткендей, Алматы кәсіпкерлер қаласы болып табылады, ел экономикасының бестен бір бөлігін және республикалық бюджет кірісінің төрттен бірін қамтамасыз етеді. «Бүгінде шағын және орта бизнес қалалық экономиканың 57,5%-ын қалыптастырады, қалалық жұмыспен қамтудың 87%-ы соған тиесілі. Әрбір үшінші жұмысшының өз бизнесі бар», - деді қала басшысы.

Көрмеде «Халық Таңдауы» дегустациялық байқауы өткізіліп, сән көрсетілімі өтеді, сонымен қатар, жүлделер ойнатылады.

Бұған қоса, мұнда Қазақстанның барлық өңірінен келген тауарды өндірушілердің өз бағасымен сатып алуға болады. Бұл азық-түлік, киім, аяқ киім, жиһаз, химиялық заттар, жабдықтар және т.б. Көрме 5-7 мамыр аралығында «Атакент» ҚІЫО-ның 11-ші павильонында өтеді