Алматыда Қазақстан халқының бірлігі күні тойланып жатыр
Алматыда 1 мамыр мерекесіне орай, концерттер мен музыкалық қойылымдар өтіп жатыр. Қаланың басты музыкалық шоуы Абай алаңында өтті. Салтанатты іс-шараға Алматы әкімі Ерболат Досаев қатысты.
Алматы, NEGE. Концерт "ЖасStars" тобы мен "Салтанат" ҚР би ансамблі орындаған "Қазақстан - достық бесігі" вокалдық-би композициясымен басталды.
Халықаралық байқаулардың лауреаттары Зарина Хасаншина, Өзбекстан, Қарақалпақстан, Башқұртстан халық әртісі Жеңісбек Пиязов және Беларусь Республикасының еңбек сіңірген әртісі Жанет Бутерус өнерімен тәнті етті. Сахнада өнерпаздар кәріс, кавказ, түрік, ұйғыр, поляк және т.б. ұлттың билерін биледі.
Мерекелік бағдарлама Абай алаңында сағат 18:00-де "Достық әні" концертімен жалғасады. Сахнада Айқын Төлепберген, Qanay, Әйгерім Қалаубаева, Артур Давлетьяров, Ayree және КeшYou тобы өнер көрсетеді. Мерекелік концерт сағат 22:00-ге дейін болады.