Алматыда Қазақстан Демпартиясының белсендісі соққыға жығылғаны туралы ақпарат тарады
Алматыда тіркелмеген Қазақстанның демократиялық партиясының белсендісі Берік Хамидуллинді белгісіз адамдардың соққыға жыққаны туралы ақпарат тарады, деп хабарлайды ҚазТаг.
Алматы, NEGE. «Берік Хамидуллин бірнеше жыл Демократиялық партияны қолдап митингілерге шығып, 2021 жылдың 28 ақпанындағы митингінің ертеңіне қызметінен босатылды. Ал 2022 жылы Жанболат Мамайды босатуды талап етіп екі рет 15 тәулікке қамауға алынды. Берік бұл сайлауда менің сенімді өкілім, ол кешке дейін парақшалар таратқан болатын. Бірақ содан кейін белгісіз біреулер оны ұрып-соққан», - дейді белсенді Абзал Достияров.
Достияров Алматы қаласы Мәжілісінің депутаттығына кандидат, сонымен қатар тіркелмеген Демократиялық партияның мүшесі.
