Алматыда қару асынған ер адам атыс шығарған
Алматыдағы тұрғын үйлердің бірінде ер адам атыс шығарған. Оқиға Алатау ауданындағы Дарабоз шағын ауданында болған.
Алматы, NEGE. Ер адамды ұстау үшін арнайы жасақ жұмылдырылғанын көруге болады.
Куәгерлер ер адамның қолында тегіс ұңғымалы қару болғанын айтады. Ал полиция департаментінің өкілдері сағат 22:00-де 102 нөміріне қару асынған азамат туралы ақпарат келіп түскенін мәлімдеді.
"Оқиға орнына келген полицейлер ер адамды ұстады. Алдын ала мәлімет бойынша, оның мұндай қадамға баруына әйелімен болған жанжал себеп болған. Қазір бұл дерек бойынша сотқа дейінгі тергеу жүріп жатыр", – делінген хабарламада.