Алматыда инфекциялық аурухана қаражатын жымқыруға қатысты тергеу басталды
Алматыда КВИ госпиталінің құрылысына бөлінген қаражатты жымқыру дерегі бойынша сотқа дейінгі тергеу амалдары басталды, деп хабарлайды ҚазАқпарат.
Алматы, NEGE. «16 қаңтарда департамент Алматыда коронавируспмен күресті күшейту мақсатында салынған модульді аурухана құрылысына бөлінген қаражатты жымқыруға байланысты ҚР ҚК 189-бабының 4-бөлімі бойынша тексеруді бастады. Қазір істің әділ тергелуін қамтамасыз ету үшін қылмыстық іс бойынша ҚР ҚПК 24-бабына сәйкес тергеу жүргізіліп жатыр» деді Алматы бойынша Сыбайлас жемқорлыққа қарсы қызмет өкілдері. Қылмыстық процессуалдық кодекстің 201-бабына сәйкес сотқа дейінгі іс мәліметтері құпия болып отыр. Мұның алдында қалалық жайлы орта басқармасының басшысы Сапар Нұрашевке қатысты сотқа дейінгі тергеу басталғаны хабарланған болатын.
