Алматыда хостел өртенді: 13 адам қаза тапты
30 қараша күні сағат 05:33-те Әди Шәріпов көшесіндегі өрт туралы хабарлама түсті, деп хабарлайды Алматы қаласы Төтенше жағдайлар департаменті.
Алматы, NEGE. Бірінші өрт сөндіру бөлімі шақырту орнына 7 минут ішінде келді. Өрт Әди Шәріпов көшесіндегі бірінші қабаты мен жертөлесі хостелге айналған тұрғын үйде болған.
«Келген бойда 1 қабаты және жертөлесі жатақханаға айналған 3 қабатты тұрғын үйдің жанып жатқаны анықталды. Алдын ала ақпарат бойынша өрттің жалпы ауданы – 30 шаршы метр. Өрт 06:22-де жойылды», - делінген хабарламада.
Өрт сөндіру барысында 13 адамның денесі табылды. Қазір олардың кім екені анықталып жатыр.
Олар көміртегі тотығынан уланып қайтыс болған.
Қазір оқып жатыр
Атырау облысының әкімі Индер көлін ерекше қорғалатын аумақтар тізімінен қалай шығартты
Түркістанда оқушылар мен студенттер қашықтан оқуға жіберілді
Режеп Тайип Ердоған «Қожа Ахмет Ясауи» орденінің тұңғыш иегері атанды
Қазақстанда АПВ-ға қарсы вакцинаны енді 18 жасқа дейінгі қыздар да тегін салдыра алады
