Алматыда грек-рим күресінің балуаны сауда орталығында ер адамды соққыға жықты (видео)
Алматыда грек-рим күресінен әлем бойынша вице-чемпионы Алмат Кебіспаев ер адамды соққыға жықты деген күдікке ілінді.
Алматы, NEGE. Алматы полиция департаментіне 6 қыркүйекте Бостандық ауданының полиция басқармасына 37 жастағы ер адам 36 жастағы ер адамға дене жарақатын келтіргені туралы хабарлама келіп түскен. Екі ер адамның арасындағы кикілжіңге балаларының арасындағы түсініспеушілік себеп болған.
"Бұл факт ӘҚБтК-нің 73-1-бабы, 1-бөлігі "Денсаулыққа қасақана жеңіл зиян келтіру" бойынша тіркелген. М.-ның дене жарақаттарының ауырлық дәрежесін анықтау мақсатында сот-медициналық сараптама тағайындалды. Сараптамалық зерттеу қорытындысын алғаннан кейін материал Алматы қаласы бойынша СМАС-қа жіберіледі", – делінген полицияның хабарламасында.
