Алматыда ережесіз жекпе-жектен халықаралық турнир өтеді

Алматы, NEGE. Қазақстан намысын Арман Әшімов пен Серік Разғалиев және Сырым Бектұрсын секілді тәжірибелі спортшылар қорғайды. «Алматы Арена» спорт кешенінде өтетін сынға көрші елдерден және Бразилия мен АҚШ-тан жұдырықты жігіттер келеді. Турнирге жанкүйерлер де кіре алады. Бірақ шектеу бар. Соңғы кезде тең келер қарсылас таппай жүрген қырғыз мықтысы Қанат Келдібековпен күш сынасатын Сырым қызу дайындық үстінде. Қарсыласының қыр-сырын әбден зерттеп, жанкүйерлер алдында жеңіске жету үшін аянып қалмаймын деп отыр. Осы жарыста жеңіске жеткен спортшылар әлем чемпионы атағына бір табан жақындайды.