Алматыда электрокарларға арналған тұрақтар орнатылады
Бұл ақпарды Алматы қаласының әкімі Ерболат Досаев VIII сайланған Алматы қаласы мәслихатының кезектен тыс XII сессиясында мәлімдеді.
Алматы, NEGE. "Келесі жылы тротуарлық және алаңдық автотұрақтарда 150 электр қуаттау құрылғысы орнатылмақ. Сондай-ақ, электрокарларға арналған 300 тұрақ орнатылады. Сонымен қатар, 10 әлеуетті жеке инвестор тартылды. Биыл 750 экологиялық таза автобус сатып алынды, оның 600-і қалалық бюджет есебінен. Айта кетейік, келесі жылдан бастап Алматыда дизельді автобустар сатып алынбауы керек", – деді қала әкімі Ерболат Досаев.
