Алматыда Covid-19-дан қайтыс болған науқас туралы мәлімет
Covid-19-дан қайтыс болған 1963 жылы туған Алматы қаласының тұрғыны.
Алматы, NEGE. Жергілікті қала тұрғынымен байланыста болған оны 29 наурызда медициналық жедел жәрдем бригадасы «Екі жақты полисегментарлы пневмония» диагнозымен коронавирустық инфекцияға талдау алу үшін стационарға жеткізді.
1 сәуірде науқастың жай-күйінің нашарлауына байланысты ӨЖЖ аппаратына қосылды. Оның тыныс алу, жүрек-қан тамырлары және бауыр жетіспеушілігі асқынып, жағдайы күрт нашарлаған. Науқаста 2 сатылы қант диабеті диагнозы болған.
«Бүгін 10 сәуірде сағат 18:00-де полиоргандық жетіспеушілігінен жүрек қызметі тоқтады. 30 минут ішінде өткізілген реанимациялық іс-шаралар сәтсіз болды. Сағат 18:30-да науқас қайтыс болды», - деді Алматы қаласы Қоғамдық денсаулық басқармасының басшысы Тілеухан Әбілдаев.
Марқұммен байланыста болған адамдардың барлығы провизорлық стационарға карантинге жатқызылды.
