Алматыда бұзылған ғимараттардың орнына заманауи кең мектептер салынады
«Жайлы мектеп» ұлттық жобасы аясында бұзылған №97 мектептің орнында 600 орындық жаңа мектептің құрылысы басталды.
Алматы, NEGE. Нысан 2024 жылдың соңында аяқталады. Бұл туралы Алматы әкімі Ерболат Досаев халықпен кездесуде мәлімдеді.
«№72 мектепті бұзып, қуаты 380-ден 1200 орынға дейін ұлғайған жаңа ғимарат салу үшін жыл соңына дейін 5 жер телімін сатып алу және 10 учаскені қосу арқылы мектептің қазіргі аумағын кеңейту көзделіп отыр. Жобалау-сметалық құжаттаманы әзірлеу 2024 жылдың I-ші тоқсанында басталады», - деді қала әкімі.
2024 жылдың I-ші тоқсанында №104 мектепке 400 оқушы орындық қосымша құрылыс салуды бастайды. 2 мектепті бұзып (№13 мектеп-гимназия, 860 орын; №158 мектеп, 620 орын), олардың орнында әрқайсысы 1 200 оқушы орнына дейін ұлғайған 2 жаңа мектеп салу мәселесі пысықталып жатыр. Талдау қорытындысы бойынша 2 мектеп анықталды, оларға 700 оқушы орындық қосымша құрылыс салу жоспарға енген.
№ 1 мектеп бойынша 400 орындық қосымша құрылыстың жобалау-сметалық құжаттамасы 2024 жылдың I-ші тоқсанында басталып, қазан айында аяқталады. №42 мектеп бойынша 300 орындық қосымша құрылыстың жобалау-сметалық құжаттамасы шілде айында басталды.
Мемлекеттік сараптамадан кейін 2024 жылдың мамыр айында бітеді. Сонымен қатар, №141 және №127 мектептерді сейсмикалық күшейтіп, күрделі жөндеу аяқталды.
