Алматыда бірқатар автобустың бағыты уақытша өзгереді
Алматыда жыл сайын Charity Music Run атты музыкалық қайырымдылық жарыстың өтуіне байланысты мегаполисте бірқатар қоғамдық көлік бағыты уақытша өзгереді.
Алматы, NEGE. Алматы қалалық мобильділік басқармасының мәліметіне сәйкес, 10 қыркүйекте мына бағыттар бойынша өзгеріс болады:
№201 – оңтүстік бағытта – Мөңке би – Момышұлы – Төле би көшесі –одан әрі сызба бойынша;
№201 – солтүстік бағытта – өзгеріссіз;
№105 – оңтүстік бағытта – Мамыржай – Момышұлы – Төле би көшесі – одан әрі сызба бойынша;
№105 – солтүстік бағытта – өзгеріссіз;
№19 – батыс бағытта – Рысқұлов даңғылы – Рысқұлов қиылысының алдындағы бұрылыс /Фариза Оңғарсынова – «№178 лицей»-дің соңғы аялдамасы;
№19 – шығыс бағытта – қозғалыстың бастауы «№178 лицей»-дің соңғы аялдамасынан - Рысқұлов даңғылы (шығысқа) – одан әрі сызба бойынша.
Айта кетейік, Алматыда 9 қыркүйекте сағат 19:00 қала күнін мерекелеу аясында Еthnotronica Almaty музыкалық технологиялық шоуы өтеді.
«Ethnotronica» - бұл стильдердің әртүрлілігін, әлем халықтарының әуендерінің сұлулығын, дәстүрлі аспаптардың колоритін және электрондық ырғақтың қуатын біріктіретін бірегей музыкалық және технологиялық шоу.
Биыл Ethnotronica фестивалінде ZSOMBOR FEHER (Венгрия), ABBOS (Өзбекстан), SITORA NAZAROVA (Тәжікстан), TURAN (Қазақстан), VRAM MINASYAN (Армения), BRANKO AND KАІ (Қазақстан), DJ DUBTAZER (Израиль), DJ TIM DIAN (Ресей), DJ EDIGE (Қазақстан), DJ TIM DIAN (Ресей) өнер көрсетеді.
Өтетін күні мен орны: 9 қыркүйек, Абай атындағы алаң, Республика сарайының алды (Достық даңғылы мен Абай даңғылының қиылысы)
