Барахолка қоймасындағы өрт сөндірілді
11 қарашада Алматыда барахолкадан өрт шықты.
Алматы, NEGE. 11 қарашада сағат 10:56-да Алматы қаласы ТЖД күштері мен құралдары Жетісу ауданында орналасқан базардың өртін сөндіруге аттанды.
Өрт сөндірушілердің алғашқы легі оқиға орнына 8 минутта жетті.
- Жалпы аумағы 1,5 шаршы метр болатын қойма жанып жатты, қою түтін шығып, іргелес және көрші қоймалардағы тауарлар мен материалдар салынған контейнерлерге таралу қаупі болды, - деді Алматы қаласының төтенше жағдайлар департаменті.
Өрт сөндіру құралдарының үздіксіз жеткізілуі қамтамасыз етілді, сонымен қатар өрт сөндіру көлігі тартылды. Өтіп бара жатқандар мен куәгерлер кедергі жасағандықтан, полицейлер қоршау ұйымдастырды.
Оқиға орнына жедел штаб жұмылдырылды.
Өрттің ошағын анықтау үшін тепловизорлар қолданылды, қойманың бетон конструкцияларының құлау қаупі болғандықтан, өрт сөндірушілер қауіпсіздік ережелерін сақтай отырып, жұмыс істеді.
Жалпы аумағы 1,5 мың шаршы метр болатын жердегі өрт 69 минутта ауыздықталды.
Зардап шеккендер туралы ақпарат түскен жоқ.
