Алматыда балабақшалар жұмыс істемейді
Алматыда балабақшалар әзірге жұмыс істемейді. Мектепке дейінгі ұйымдардың қызметін қайта жандандыру туралы қосымша хабарланады.
Алматы, NEGE. Қала тіршілігін қамтамасыз етуді қалпына келтіру штабының өкілдері мегаполистің барлық мекемелері жіті бақылауда екенін айтты. Білім басқармасы балаларды қараусыз қалдырмауға және қауіпсіздік шараларын сақтауға, сондай-ақ коменданттық сағаттың талаптарын орындауға кеңес береді.
Еске салайық, бұған дейін мектеп оқушылары үшін, қысқы демалыс мерзімі 17 қаңтарға дейін, студенттер үшін 24 қаңтарға дейін ұзартылған болатын.