Алматыда Байзақов көшесінде жөндеу жұмыстары басталды
29 тамыз сағ.23:00-ден 30 тамыз 06:00-ге дейін жол жабынына орташа жөндеу жұмыстарының жүргізілуіне байланысты Байзақов көшесінің Тимирязев көшесінен Сәтбаев көшесіне дейінгі бөлігінде жол толығымен жабылады.
Алматы, NEGE. Жабық учаскені Әуезов, Сәтбаев Байтұрсынов және Тимирязев көшелері арқылы арқылы айналып өтуге болады. Жол-көлік оқиғаларын болдырмау және жол қозғалысын ұйымдастыру үшін жоғарыда аталған көше учаскесінде патрульдік полиция полкінің 2 экипажы жұмылдырылатын болады.
Жол жөндеу жұмыстары жайлы соңғы жаңалықтарды қала әкімдігі мен қалалық мобилділік басқармасының ресми парақшаларында, Алматы жол телеграм арнасында, сонымен қатар, 2ГИС және Яндекс карта қосымшаларынан көруге болады.