Алматыда автотұрақтар қала меншігіне қайтарылды
Алматыда автотұрақтар қала меншігіне қайтарылып, тақтайшалар ауыстырылып жатыр, деп хабарлады Алматы әкімдігі.
Алматы, NEGE. Алматыда бірыңғай оператор — «Алматы паркинг» шаруашылық жүргізу құқығындағы коммуналдық мемлекеттік кәсіпорны құрылды. Жаңа ақпараттық тақталарда жаңа оператор, аймақ нөмірі, тұрақ уақыты және төлем әдістері көрсетіледі.
Алғашқы автотұрақ Медеу ауданында іске қосылып, кезең-кезеңімен жүзеге асады. Жаңа ақпараттық тақтайшалары бар аудандар фото-бейнетіркеудің мобильді кешендерімен бақыланады.
Бағдарламалық жасақтамасы толық іске қосылғанға дейін бұрын қаланың автотұрақтарын басқарған «А — parking» компаниясы төлем қабылдайды. Осы кезеңде жиналған барлық қаражат бірыңғай оператордың шотына беріледі.