Алматыда автотұрақ ақысы көтеріледі
Алматы қаласы мәслихатының кезектен тыс сессиясында қала әкімі Ерболат Досаев осындай мәлімдеме жасады, деп хабарлады Tengrinews.kz.
Алматы, NEGE. "Автотұраққа келетін болсақ: биылдан бастап орындарды анықтаймыз, аумаққа байланысты тұрақ ақысын көтереміз. Әрине, мен қалағандай бұл жұмысты 1 шілдеге дейін істеп үлгермейміз, бірақ қыркүйектің басында дайын болуы керек", - деді Досаев.
Ол Алматының әр аудандарында көлік тұрағы үшін төлем әр түрлі болатынын атап өтті.
"Яғни, Алатау, Медеу ауданында, Құлжа тасжолына шыға берісте бір тариф болады делік, ол әлі де ойланатын мәселе. Ал тарихи орталыққа жақын жерде тарифтер көтеріледі. Қаражат бюджет кірісіне жұмсалады", - деді Ерболат Досаев.