Алматыда автобустар соқтығысты
Алматыда Абай мен Сейфуллин даңғылдарының қиылысында үш автобус жол апатына ұшырап, жеті адам зардап шекті.
Алматы, NEGE. Жол апаты 18 ақпан күні түске дейін болған. Сейфуллин даңғылы мен Масанчи көшесінің қиылысында үш бірдей автобус жолдың тайғақтығынан дер кезінде тоқтай алмай, соқтығысқан. Көше қақтығысына ұшыраған үш автобус та батыс бағытта қозғалып бара жатқан. Жеті адам ауруханаға жеткізілді.
Қалалық Денсаулық сақтау басқармасының мамандары жол-көлік оқиғасына ұшыраған адамдардың біреуі нейрохирургия бөліміне, қалғандары үйлерінен амбулаториялық ем алуға шығарылғанын хабарлады.
