Алматыда 2 балдық жер сілкінді
Алматы қаласынан оңтүстікке қарай 137 шақырым жердегі Қырғызстан аумағында жер сілкінді.
Алматы, NEGE. Бұл туралы Білім және ғылым министрлігі Ғылым комитетіне қарасты Сейсмологиялық тәжірибе-әдістемелік экспедициясының Сейсмикалық стансалар желісі мәлімдеме жасады.
«Зілзала Алматы уақытымен 20 наурыз 6 сағат 49 минут 00 секундта тіркелді. Энергетикалық класы – 10,9. Магнитудасы - 5.1. МSК-64 шкаласы бойынша Алматы қаласында 2 баллдық жер сілкінісі сезілген» делінген хабарламада.