Алматыда 1 мамырда қандай мәдени іс-шаралар өтеді?
1 мамыр күні қала тұрғындары мен қонақтары Қазақстан халқының бірлігі күніне арналған мерекелік концертке куә болады.
Алматы, NEGE. Абай алаңында сағат 10.00-де басталатын концертте танымал әншілер мен шығармашылық ұжымдар өнер көрсетеді. Сүйікті әуеннің ырғағымен дөңгелене билеп, уақытты жақсы өткізе аласыз, бұған күн райы да қарасып тұр.
Дәл осы күні тамақ фестивалі өтіп, қазақ, кәріс, грузин, орыс, ұйғыр және үнді ұлттық тағамдары ұсынылады.
Әрине, ойын-сауық іс-шарасы Абай алаңымен шектелмейді. Мерекелік алаң қаланың барлық ауданында пайда болады.
