Алматыда 101 шетел азаматы елден шығарылды
Алматыда 101 шетелдік азамат Қазақстан Республикасынан шығарылды, – деп хабарлайды Polisia.kz.
Алматы, NEGE. Жергілікті профилактикалық іс-шаралар барысында қаладағы көші-қон қызметі мен жергілікті полиция қызметінің қызметкерлері 305 шетелдікті анықтап, әкімшілік жауапкершілікке тартты.
Анықталғандардың көбі – Өзбекстан мен Африка құрлығы елдерінің азаматтары.
– ПД-ның қабылдап-тарату ғимаратына жеке басын куәландыратын құжаты жоқ 106 шетел азаматы орналастырылды. Сот қаулысымен 101 шетелдік Қазақстан Республикасынан шығарылды. Тиісті шара қолданбағаны үшін 115 қабылдаушы тарап ҚР ӘҚБтК-нің 518-бабы бойынша жауапкершілікке тартылды: 97 жеке тұлға, 18 заңды тұлға. Төрт компанияға қатысты “Халықтың көші-қоны туралы” ҚР Заңына сәйкес алдағы уақытта шетелдіктерді шақырудан бас тартылады, – деді Алматы қалалық ПД көші-қон қызметі басқармасының бастығы Асхат Бутунчинов.