Алматыда жол ережесін бұзған мопед жүргізушілері жауапқа тартылды
Әлеуметтік желіде жол ережесін өрескел бұзған мопед жүргізушілерінің видеосы тарады.
Алматы, NEGE. Желідегі бейнероликтерден мопед тізгіндеген бір топ жүргізушісінің бағдаршамның қызыл түсіне өтіп кеткенін көруге болады. Тағы бір бейнежазбада мопед жүргізушілерінің тобы көлікпен кіруге тыйым салынған Арбат аймағында емін-еркін жүргені бейнеленген.
Алматы қалалық Полиция департаменті аталған ереже бұзушылардың анықталып, ұсталғанын мәлімдеді.
«Жүргізушілерге қатысты ҚР ӘҚбК-нің 615 және 620-баптары бойынша әкімшілік хаттамалар толтырылды. Мопедтер айыппұл тұрағына қойылды», – деп хабарлады полиция.
Сонымен қатар, құқық қорғау органдары мопед жүргізушілеріне 5 сәуірге дейін көлік құралдарын міндетті түрде тіркеуден өткізу қажеттігін ескертті.
Қазір оқып жатыр
«Енді асыға оралатын үйім бар»: Баян Алагөзова Меруерт Өтекешоваға пәтер сыйлады
Құрылтай сайлауына Грузия, Иран, Швеция және Қырғызстаннан байқаушылар қатысады
ШҚО-да жүргізуші куәлігін алмақ болған ер адам 6,6 млн теңгесінен айырылған
Алматыда жүйіткіген көлік музей алдындағы арт-инсталляцияға соғылды
