Алматыда Жириновскийге ескерткіш қойыла ма? Вице-премьер жауап берді
Бұған дейін Жириновскийдің 80 жылдығына орай 2026 жылы Алматыда ескерткіш қойылуы мүмкін деген ақпарат тараған болатын.
Алматы, NEGE. Вице-премьер Ермек Көшербаев Алматыда Владимир Жириновскийге ескерткіш қойылуы мүмкін деген ақпаратқа жауап берді.
Ол журналистердің сауалына: «Әрине, жоқ», - деп қысқа жауап берді.
Естеріңізге сала кетейік, Ресейде 2024 жылдың қарашасында Путин саясаткердің туған күнін 2026 жылы мемлекеттік деңгейде атап өту туралы жарлыққа қол қойған болатын. Мерейтойды атап өтуге арналған құжаттарда Алматы Жириновскийдің «кіші отаны» деп аталған. Сол себепті ресейлік депутаттар Алматыда ескерткіш орнату туралы бастаманы көтерген.
2005 жылы Владимир Жириновский Қазақстанды «ешқашан тарихта болмаған мемлекет» деп атаған мәлімдемесінен кейін, ел билігі оның Қазақстанға кіруіне және ел аумағында болуына тыйым салып, «персона нон грата» тізіміне енгізген.
Жириновский 2022 жылы 2 ақпанда коронавирус жұқтырып, 75 жасында қайтыс болды.
