Алматыда жедел жәрдем көлігі қытай мейрамханасының жазғы террасасына соғылды
Алматының Бостандық ауданында жедел жәрдем көлігі жол апатына ұшырады, деп хабарлады қалалық полиция департаменті.
Алматы, NEGE. Әлеуметтік желіде тараған кадрларда көліктің J.Z. Peking Duck қытай мейрамханасының жазғы террасасына соғылғанын көруге болады.
«Жедел жәрдем жүргізушісі Шашкина көшесімен солтүстік бағытта келе жатып, Toyota және Hyundai маркалы екі көлікпен соқтығысып, одан кейін мейрамханалардың бірінің жазғы террассасының қоршауына соғылды», - деп хабарлады полиция.
Апат салдарынан зардап шеккендер жоқ. Полиция тергеу жүргізіп жатыр.