11 Наурыз 10:18
...
Алматыда жасанды интеллект мектебі ашылды
Алматыда жаңа білім беру жобасы – Жасанды интеллект мектебі жұмыс істей бастады. Ол Алмалы ауданындағы комьюнити-орталықтың базасында ашылды.
Алматы, NEGE. Бастама Жастар саясаты басқармасы мен Qazaq IT Community қолдауымен жүзеге асырылған.
Енді алматылық жастар жасанды интеллект технологияларын тегін оқып, заманауи AI құралдарды меңгере алады. Бұл олардың білім алуына және мансабына пайдалы болмақ.
Бағдарлама машиналық оқыту алгоритмдері мен нейрондық желілерді тәжірибелік түрде үйренуді қамтиды. Qazaq IT Community негізін қалаушы Әсем Болатжан бұл қадамның қалада мықты IT қоғамдастық қалыптастыру үшін маңызды екенін атап өтті.
Оқуға жазылу үшін комьюнити-орталыққа мына мекенжай бойынша баруға болады: Байтұрсынов көшесі, 22к1
