Алматыда «Жарқын күз» науқаны басталады
Алматыда жалпы республикалық «Таза Қазақстан» бағдарламасы мен «Алматы – біздің ортақ үйіміз» қалалық науқаны аясында «Жарқын күз» науқаны басталады.
Алматы, NEGE. Алдағы күндері қаланың күзгі-қысқы маусымына дайындыққа ерекше назар аударылады.
Алматыда 18-24 қазан аралығында қала көшелерінде, аулаларда, қоғамдық орындарда және жол инфрақұрылымы бойында ағаштарды санитарлық мақсатта кесу, түскен жапырақтар және қоқыстарды жинау бойынша ауқымды жұмыс жоспарланған. Сондай-ақ, өзендер мен су қоймаларының жағалауын қоқыстан тазарту көзделген. Қаланың коммуналдық қызметтері мен мердігер ұйымдар ұзындығы 1 525 км арық желілерін тазалау жұмыстарын күшейтеді.
Бұған қоса, науқан барысында 1 454 контейнерлік алаң залалсыздандырылып, 32 мыңнан астам көше мен аула қоқыс жәшіктері тазартылады. Қажет болса контейнерлерді жөндеу және бояу жұмыстары да жүргізіледі.
