Алматыда тексерістен өткен көліктердің жартысына жуығы экостандартқа сай емес
Алматыда экологиялық жағдайды жақсарту мақсатында «Таза Қазақстан» республикалық бағдарламасы аясында «Таза ауа» акциясы жалғасуда.
Алматы, NEGE. 30 қазан мен 8 қараша аралығында полицейлермен бірге қала бойынша экологиялық бекеттерде 882 көлік тексерілді.
Негізгі мақсат – көліктердің зиянды шығарындыларын азайту, экологиялық стандартқа сәйкестігін анықтау.
Тексерістің нәтижесінде 45% көлік (398 көлік) экологиялық стандарттарға сәйкес келмейтіні анықталды. Заң бұзушылық бойынша әкімшілік хаттамалар толтырылды.