Алматыда танымал тұлғалар «Жарқын күз» маусымдық науқанын қолдады
Эстрада жұлдыздары, жастар ұйымдарының өкілдері мен қала тұрғындары «Таза Қазақстан» республикалық бағдарламасы аясында өтіп жатқан «Жарқын күз» ауқымды науқанына қатысты.
Алматы, NEGE. Қаладағы аудан тұрғындары көше тазалау мен ағаш отырғызу жұмыстарына белсенді атсалысты.
Сенбілікке Қазақстанның халық ариісі, композитор Алтынбек Қоразбаев және әнші Абай Бегей де қатысты. Өнер тұлғалары қала тұрғындарын тазалықты сақтап, қалаға қамқорлық жасауды сенбілік күндері ғана емес, үнемі жүргізуге шақырды.
Экологиялық акцияға барлығы 10 мыңнан астам қала тұрғыны қатысып, 300-ден астам техника, сондай-ақ 1755 коммуналдық қызметкер жұмылдырылды. Қаланың әр түкпірінде 10 мыңнан астам көшет егілді, оның 1200-і Алатау ауданындағы ALA жаңа саябағына отырғызылды.
