16 Шілде 12:49
Алматыда тағы бір автобус апатқа ұшырады
![Алматы автобус апаты](/static/img/plug.jpg)
Алматыда автобус апатынан тоғыз адам зардап шекті, деп хабарлайды қалалық полиция департаментінің баспасөз қызметі.
Алматы, NEGE. Жол полициясы оқиғаның бүгін сағат 9.15-те Алматының Наурызбай ауданында болғанын хабарлады. Әшімов көшесімен солтүстік бағытта, Шаляпин көшесінің солтүстігінде келе жатқан жүк көлігінің жүргізушісі аялдамаға тоқтаған №137 автобусты қағып кеткен.
Салдарынан автобус жолдың шығыс бетіне шығып кетіп, жеке үйдің қоршауына соғылған.
«Алдын ала мәлімет бойынша, апат салдарынан автобустың тоғыз жолаушысы зардап шекті», - делінген хабарламада.
Оқиғаның басқа мән-жайлары анықталып жатыр.