17 Тамыз 12:48
Алматыда Рысқұлов даңғылындағы жолайырықтың учаскелері біраз уақытқа жабылады
Алматыда Рысқұлов даңғылындағы жолайырықтың учаскелері біраз уақытқа жөндеуге жабылады, - деп хабарлады қала әкімдігінен.
Алматы, NEGE. 17 тамызда сағат 23:00-ден 19 тамыз сағат 11:00-ге дейін Табачнозаводская көшесінен батыс бағытта Рысқұлов-Жансүгіров жолайырығындағы бұрылысқа дейін қозғалыс жабылады.
18 тамызда сағат 23:00-ден 20 тамыз сағат 11:00-ге дейін Рысқұлов-Жансүгіров жолайырығының басынан Табачнозаводская көшесіне дейінгі шығыс бағыттағы учаскеде қозғалыс жабылады.
Рысқұлов-Сейфуллин және Рысқұлов-Жансүгіров жолайырықтарындағы жолдар арқылы екі бағытты да айналып өтуге болады.
Жөнделіп жатқан учаскеде ескерту белгілері, мердігер ұйымының басшысының байланыс ақпараттары көрсетілген стендтер қойылады.
