1 Желтоқсан 15:45
...
Алматыда ойын алаңында баланы тепкен ер адам ұсталды
Алматыдағы тұрғын үй кешендерінің бірінде ер адамның баланы тепкен сәті бейнекамераға түсіп, әлеуметтік желілерде кеңінен тарады.
Астана, NEGE. Оқиға Алатау ауданында болған. Видеодан ер адамның ойын алаңында жүгіріп келіп, баланы қатты теуіп жібергені анық көрінеді. Бала жерге құлайды. Ал ер адам оқиға орнынан кетіп қалған.
Алматы Полиция департаменті оқиғаға қатысты пікір білдірді:
Күдікті жедел түрде анықталып, ұсталды. Ол уақытша ұстау изоляторына қамауға алынды.
Қазір оқиғаның барлық мән-жайы анықталып жатыр. Тергеу барысы департамент басшылығының бақылауында.
