Алматыда орташа айлық жалақы 470 мың теңгеге жетті
Бұл туралы Орталық коммуникациялар қызметінде өткен брифинг барысында Алматы әкімі Ерболат Досаев мәлімдеді.
Алматы, NEGE. «Біздің жұмысымыздағы аса маңызды басымдық – алматылықтардың әл-ауқатын арттыру. Қазіргі инфляцияны ескере отырып, Алматыда орташа айлық жалақы нақты мәнде 6,1% - ға өсіп, 470 мың теңге (9 ай) болды», – деп атап өтті қала басшысы.
2024 жылдың басынан бері 68 мың жұмыс орны құрылды. Құрылған жұмыс орындарының 82% (55,7 мың) тұрақты. Нәтижесінде Алматыда жұмыссыздық деңгейі 4,6% - ға дейін төмендеді.
Жылдық инфляцияның осы жылдың соңына дейін 8,5%-ға дейін және 2025 жылы 7,5%-ға дейін төмендеуі мүмкін.
