Алматыда онкологиялық ауруға шалдыққан балаларды қолдайтын қайырымдылық акция өтті
Алматыда Халықаралық балалар онкологиясымен күрес күніне орай қайырымдылық акция ұйымдастырылды, деп хабарлайды 24kz.
Алматы, NEGE. Іс-шараны онкологиялық ауруға шалдыққан балаларды қолдайтын қоғамдық қор өткізді. Қазақстанда жыл сайын жүздеген балаға қатерлі ісік диагнозы қойылады. Олар негізінен Астана мен Алматыдағы екі ірі мемлекеттік медициналық мекемеде ем қабылдайды.
Қазіргі уақытта қатерлі ісіктен сауығып шыққан 4 мыңға жуық науқас диспансерлік есепте тұр. Акция барысында жиналған қаражат Ұлттық ғылыми педиатрия және балалар хирургиясы орталығын жабдықтауға бағытталады.
Аяулым Керімбекова, студент:
- Мен ауруханада жатқан кезімде осы волонтерлер маған көмектескен болатын. Сол кезде менің моральді көтерілуіме және болашаққа күш-қуатымды көтеру үшін осы волонтерлердің сөздері, мотивациялары көмектестен болатын. Сол арқылы мен өзім өлең айтып, заттар жасап, өзімді дамыта бастадым.