Алматыда найзағай ойнап, күн күркіреді
Алматылықтар 7 наурыз күні кешке найзағайдың қатты дыбысын естіді.
Алматы, NEGE. Қала тұрғындарының айтуынша, мегаполисте күн күркіреуіне ұқсас қатты дыбыс естілген.
«Қазгидромет» РМК-ның Алматы қаласы бойынша мәліметіне сәйкес, қаланың тау бөктерінде будақ бұлттардың түзілуі нәтижесінде найзағай ұясы қалыптасып, күн күркіреді», – деп хабарлады ТЖД.
Әлеуметтік желі қолданушылары найзағайдың дыбысы жарылыс сияқты естілгенін айтып жатыр.
Қалалық Төтенше жағдайлар қызметі тұрғындарды қорықпауға шақырды.