Алматыда Медеуге баратын жол жабылады
Алматыда «Медеу» биік таулы спорт кешеніне баратын жол жабылады.
Алматы, NEGE. Алматы қаласы әкімдігінің мәліметінше, жөндеу жұмыстарын жүргізуге байланысты Керей-Жәнібек хандар көшесінде көлік қозғалысына уақытша шектеу енгізіледі.
«15 тамыз күнгі сағат 23:00-ден 16 тамыз күнгі 07:00-ге дейін қозғалыс «Ақбұлақ» бұлағынан 558/1 ғимаратқа дейінгі аумақта жабылады. Жабылған жолдың ұзындығы 1,2 шақырым. Айта кету керек, бұл көшенің жалпы 6 шақырымы жөнделмек. Тағы басқа жолдардың жабылатын күндері мен уақыты қосымша хабарланады», - деп атап өтті Алматы қаласы әкімдігінің баспасөз қызметі.