Алматыда «Медеу» маңындағы 288 гектар жер мемлекетке қайтарылды
Алматы прокуратурасының мәлімдеуінше, «Медеу» өңірлік табиғи паркімен шекаралас екі жер телімі жеке меншікке заңсыз берілген.
Астана, NEGE. Даулы жер телімдері ауыл шаруашылығы мақсатындағы су қоры бар жерлерге жатады, сондықтан оларды сатуға рұқсат берілмейді.
«Жетісу ауданы прокуратурасының талап-арызы бойынша сот жасалған мәмілелерді жарамсыз деп тапты», – делінген прокуратура хабарламасында.
Алматы қалалық сотының сот алқасы бірінші сатыдағы шешімді күшінде қалдырды.
Ресми мәліметке сәйкес, мемлекет меншігіне қайтарылған жердің құны 17 млрд теңгеден асады.