Алматыда «Манхэттен» тұрғын үй кешенінде ауқымды тексеріс жүргізілді
Алматы қаласы прокуратурасының бастамасымен екі ай ішінде өкілетті органдармен бірлесіп қоғамдық тәртіпті бірнеше рет бұзған «Манхэттен» тұрғын үй кешенінде кешенді рейд жүрді.
Алматы, NEGE. Жұмыс барысында меншік иелерінің жұмыс орны, байланыс деректері, тіркелген қару, түрлі құқық бұзушылықтар үшін жауаптылыққа тарту фактілері туралы сауалнамалық мәліметтері, сондай-ақ тұрғын үйді жалға беру туралы ақпаратты қамтитын әрбір пәтер бойынша деректер базасы жасалды.
Тексеру 1000-ға жуық бұзушылықты анықтауға мүмкіндік берді, олардың ішінде:
• көші-қон заңнамасын бұзудың 120 фактісі;
• қоғамдық тәртіпті бұзудың 98 фактісі;
• заңсыз жалға алудың 114 факті;
• интимді қызмет көрсету үшін пайдаланылған 22 пәтер;
• жол қозғалысы ережелерін бұзудың 567фактісі;
• алкоголь өнімін заңсыз сатудың 7 фактісі.
