Алматыда көпқабатты тұрғын үй кешені өртеніп жатыр (видео)
Бұл туралы қалалық Төтенше жағдайлар департаментінің (ТЖД) баспасөз қызметі хабарлады.
Алматы, NEGE. Алматының Алмалы ауданында «Престиж-Алатау» көпқабатты тұрғын үй кешенінде пәтер өртеніп, өрт шатырға тараған.
– Төтенше жағдайлар басқармасының бірнеше өрт сөндіру бөлімдерінің күштері мен құралдары Алмалы ауданы, Кашгарская көшесінде өрт шыққаны туралы хабарлама алды. Сегіз қабатты тұрғын үйдің жетінші қабатындағы пәтерден өрт шыққан. Пәтер мен шатыр өртеніп жатыр, өрт аумағы анықталуда, - деп түсіндірді Алматы ТЖД.
Үйдің солтүстік жағына өртке қарсы баспалдақ орнатылғаны хабарланды. Өртті сөндіруге 25 қызметкер мен алты бірлік апаттық-құтқару техникасы жұмылдырылды. Қосымша күштер мен ресурстар да жіберілді.